മ്യാന്മറില് ഒരു സന്യാസി ദൈവത്തെ സ്വപ്നം കണ്ടു. ദീര്ഘ നേരം അദ്ദേഹം ദൈവവുമായി സംവദിച്ചു. അതിനിടയില് മോക്ഷപ്രാപ്തിക്കായുള്ള മാര്ഗങ്ങള് സന്യാസി വര്യന് ദൈവത്തോടന്വേഷിച്ചു. അതൊരല്പം ബുദ്ധിമുട്ടുള്ള കാര്യമാണ്. ദൈവം പറഞ്ഞു. താങ്കളുടെ ഏറ്റവും വിലപ്പെട്ടത് ദൈവമാര്ഗത്തില് സമര്പ്പിക്കണം. അത് താങ്കള് ഏറ്റവും സ്നേഹിക്കുന്ന താങ്കളുടെ ഏക പുത്രന് തന്നെയാവട്ടെ.
തുടര്ച്ചയായി ഈ സ്വപ്നം തന്നെ കണ്ടപ്പോള് സന്യാസി തന്റെ പുത്രനെയുമായി പുറപ്പെട്ടു. ദീര്ഘമായ പ്രാര്ത്ഥനകള്ക്ക് ശേഷം മകനെ കഴുത്തിലേക്ക് അയാള് കത്തി വെക്കാന് ഒരുങ്ങി. ഇക്കാര്യം മണത്തറിഞ്ഞെത്തിയ ജനക്കൂട്ടവും പോലീസും സര്ക്കാറും പക്ഷെ ഈ മഹത്തായ ത്യാഗത്തിനനുവദിച്ചില്ലെന്നു മാത്രമല്ല അറസ്റ്റു ചെയ്ത് മനോരോഗാശുപത്രിയില് ആക്കുകയും ചെയ്തു.
എനിക്കെന്തോ ഇയാളെ മനോരോഗിയാക്കാന് തോന്നിയില്ല. ത്യാഗസ്മരണ പുതുക്കി ബലി പെരുന്നാള് ആഘോഷിക്കുന്ന ഈ വിശേഷ വേളയില് പ്രത്യേകിച്ചും.
